UCAC
Undeb Cenedlaethol Athrawon Cymru

Mae UCAC yn undeb ar gyfer athrawon, penaethiaid, darlithwyr a thiwtoriaid dros Gymru gyfan – yr unig undeb addysg sy’n rhoi addysgwyr Cymru’n gyntaf.

Rydyn ni’n cyfuno gwasanaeth ar lefel bersonol gyda grym undebol nerthol wrth ddylanwadu ac ymgyrchu.

Rydyn ni’n angerddol ynghylch cefnogi ac amddiffyn ein haelodau, ac ynghylch gweithio er budd system addysg sy’n gwbl addas i anghenion Cymru a phawb sy’n byw yma. 

Swydd Wag

Swyddog Maes y De-orllewin

Rhan Amser 0.8 - Pedwar Diwrnod yr Wythnos 

Ceir manylion pellach a ffurflen gais YMA

Dyddiad cau: Medi 22ain, 2026 am hanner dydd

Swydd Wag

Swyddog Aelodaeth a Gweinyddol Rhan Amser 0.8

Dros Dro hyd at Ebrill 30ain, 2027 

Ceir manylion pellach a ffurflen gais YMA 

Dyddiad cau : Medi 10fed, 2026 am hanner dydd.  

ATHRAWON DAN HYFFORDDIANT

AELODAETH AM DDIM

Os ydych chi’n hyfforddi i fod yn athro, mae UCAC yn cynnig aelodaeth am ddim i chi trwy gydol eich hyfforddiant.

Felly os ydych chi’n gwneud gradd BAdd, cymhwyster ôl-radd fel TAR (PGCE), neu’n gwneud doethuriaeth ac yn gwneud rhywfaint o addysgu, dewch i ymuno AM DDIM i dderbyn gwasanaeth llawn.

Ymunwch nawr AM DDIM

ATHRAWON NEWYDD GYMHYWSO

BLWYDDYN O AELODAETH AM DDIM
gyda'r flwyddyn ganlynol yn hanner pris

Os ydych chi’n Athro Newydd Gymhwyso, mae UCAC yn cynnig aelodaeth am ddim trwy gydol eich blwyddyn addysgu gyntaf, ac yn hanner pris y flwyddyn ganlynol.

Felly os ydych chi newydd gymhwyso, a heb ymaelodi’n barod, dewch i ymuno AM DDIM i dderbyn gwasanaeth llawn.

Os ydych chi'n ymuno am y tro cyntaf
Ymunwch nawr AM DDIM
Os ydych chi'n aelod yn barod
Mewngofnodwch i'ch cyfrif

NEWYDDION

YMATEB I GANLYNIADAU PISA 

Medi 8fed, 2026 

Mae UCAC yn rhannu’r siom gyffredinol yng nghanlyniadau PISA eto eleni. 

Dywedodd Ysgrifennydd Cyffredinol UCAC, Ioan Rhys Jones:

‘Beth bynnag yw eich barn am PISA fel modd o asesu byd addysg, mae’r canlyniadau eleni yn siomedig.

Fodd bynnag, rhaid cydnabod mai cipolwg sydyn ar y gyfundrefn addysg y mae PISA yn ei roi i ni a hynny ar ystod gyfyngedig o sgiliau.  Dylid cofio mai sampl o ysgolion yn unig sydd yn cymryd rhan yn y profion hyn bob tair blynedd. Fodd bynnag, mae’n amlwg fod angen cynllunio i wella a rhoi sylw i’r sgiliau sylfaenol drwy’r wlad.  

Gallwn ond gobeithio y bydd y Cwricwlwm i Gymru o’i sefydlu’n llawn yn sicrhau fod sail gadarn i ddysgwyr ac y bydd Y Cynllun Llythrennedd a Rhifedd Sylfaenol newydd yn fodd o gynllunio, meincnodi a sicrhau gwelliant cenedlaethol yn y blynyddoedd sydd i ddod.

Mae’n allweddol ein bod yn ystyried pob agwedd o’r gyfundrefn addysg, gan gynnwys y gymuned a’r aelwyd wrth geisio cynllunio. Byddai’n dda gweld buddsodiad ariannol gwirioneddol yn ein hysgolion i sicrhau ein bod yn gweld gwelliant.  Ar hyn o bryd, mae’r gweithlu yn ein hysgolion yn gweithio’n galed o dan amgylchiadau heriol. Gobeithio y gwelwn y Llywodraeth bresennol yn gwerthfawrogi pwysigrwydd buddsoddi ym myd addysg, er mwyn gosod seiliau cadarn i’n disgyblion, sef ein dyfodol.’

 

BLWYDDYN ACADEMAIDD NEWYDD 

1 Medi 2026

Pob dymuniad da i staff a disgyblion ar ddechrau blwyddyn academaidd newydd.  Edrychwn ymlaen at flwyddyn newydd o gydweithio a chefnogi ein haelodau. 

Mewn undeb mae nerth!